因為黑格比，Pieter要延誤返港，當然把握今晚天賜既良機，大肆搜掠雪櫃一番。講過返去食都要食得好好睇睇，對個腸胃好d人都精神d開朗d同型d，梗係食盡佢以多年之仇。
首先：Pan-fried Beef Tenderloin with Duck Liver served with Potato Gratin and Truffle Essence $285
呢個係我最愛之一，牛柳四成左右加上一塊top quality既鴨肝(好過好多鵝肝，堅料﹗)，仲有d肉汁同鴨肝既油脂撈埋d忌廉薯，加多幾野黑菌油，我敢講食到呢碟野係有今生冇來世。
之後：Poffertjes with Speculaas Gelato $78 
呢個甜品就即係雪糕加pancake，不過呢個特別在好似個一蚊咁大又厚身少少，中間暖暖地外面又香又脆，配上雪糕，口感係有軟有硬又熱又冷咁，絕﹗而那個Speculaas係一隻荷蘭薑餅，加入去整出來既Gelato真係好香，係最應該一試既Gelato之一。呢個Poffertjes係荷蘭好普遍，亦係個度既招牌甜品。
有甜品就梗係要一杯上好既espresso con panna $38 剩係食都食左佢四百幾有多(成本當然唔使)，仲要有人工收，呢日又賺左。
據講，好多人都懼怕於Pieter既淫威，暫時再冇其他「志願人仕」夠膽深入呢個虎穴。唯有我呢個孽種夠膽返去受死，所以仍有一段時間有好野食。
個天真係待我不薄。
今次是毒奶。
已經不只是第一次，也不知是第幾個同類問題了。中國人就是如此自私短視，那些奸商巨賈從來為一己之利已殘害他人，殘害的更是下一代，那一班又一班無辜的嬰孩天真無邪，卻受到如此折磨，這種行為要予以譴責。
這種國家永遠成不了大國。
除了是因為普偏人民教育不足為求目的不擇手段唯利是圖，亦是這個貪污行為無法無天的獨裁國家政府之老掉牙問題，亦只有用人民的選票公平公正公開地去選出的政府才可以解決，把昏庸無能一事無成的拉下馬。台灣就是一個好例子。
這個外表如斯繁華盛世的國度內，多數人民未有過安穩生活，被貪官欺壓奸商毒害，人與人沒有信任沒有同情沒有誠信，大抵是整個國家的每一環都問題嚴重，病入膏肓。
大國如此，不外如是。
說實在昨晚是十分高興的，阿聲的廚藝從來有保證，海鮮大餐大快朵頤，仲有四名美女相伴同枱食飯，過程歡愉，滿足指數爆燈。
之後的雀局亦因為文哥比面拖住那副疲憊不堪的軀殼單刀赴會而成事，雖然最終他又大敗一場。老實說，與朋友和親戚們打牌只是遊戲聯誼，對贏輸勝負從來麻木，因為我珍惜那些機會，那些一家人一班人的感覺。
每每與他們耍雀最開心的是可以毫不拘謹的談天說地互相挖苦，你窒我我窒你的，可以開懷大笑一番，好不暢快。我很喜歡那種氣氛，可以造回自己，不似得工作時要把身上那十多個面具輪流戴上，弄得自己照鏡時嘔吐大作。
回家時在想著，究竟是自己對朋友的要求苛刻，還是我未懂得如何珍惜大家之間的情誼？
