累

幾乎每日都十多小時的工作時間，睡眠卻每晚四小時，整個人已經累無可累。
最希望的是上天賜我一個可以無限容納咖啡的身體，一日七杯都不會胃痛、便秘、心跳加速、作嘔作悶、出暗瘡等等，讓我飲個痛快無後顧之憂。
有很多事都想寫，只是未有足夠時間及精神，來日有時間定要寫個天花亂墮。

再食一餐

今日終於都要面對Pieter，只短短數分鐘寒暄幾句，佢就話因為自己jet lag而要提早休息。佢唔係度睇住，我緊係又食多餐。
首先來個Appetizer：Scallops wrapped with Parma Ham Pomelo Salad $112

帶子雖然大粒，不過冇咩鮮味，不過不失。

之後有時間，整多個Second course：Black Mussels In a White Wine/Cream Sauce $ 118

青口再冇用荷蘭個d好耐，用左阿拉斯加個d，殼大但肉唔大，味都冇個時荷蘭個d咁甜，失敗。

最後，Main Course一定要食得好d：Grilled Rib Eye Steak with Hutspot and Seasonal Veg(8 oz) $ 208

一塊好既肉，salt + black peeper調味已經夠，燒既時間掃牛油，至3成，加埋個甘旬薯蓉(荷蘭叫Hutspot)及法邊豆，再切幾塊紅洋蔥又燒一燒香佢放上面，完成。呢隻澳洲肉眼好有肉味又有咁上下肉汁，食既時候跟本唔使額外加任何汁(anyway我食咩都唔想落汁，除非碟野真係難食)，個Hutspot配燒過既牛柳又好西冷或肉眼都好，非常之夾，完美配合。

就係咁，又食多佢一餐，下星期返去食咩好呢﹖