引述一則與同行的對話內容，如下：
「呀師傅，你得閒幫我諗下呢，有冇d咩，人冇我地有，又好食d客又會鍾意，成本唔高既野囉。」老闆娘若無其事地問。
「哦，我返去諗下喇，諗到既話你知。」師傅頓了三秒後答，之後心想，我諗到，仲使打你工？你都戇居既。
呢個世界既老闆都係痴心妄想得天真無邪為大多數，佢地會以為幫你打工既係要幫埋佢賺錢，不過係人都知，未諗到點賺錢既先去做打工仔，諗到都自己做生意喇，仲咩比你刻薄？都烚戇既。
朋友，我掉番轉頭想問下，有冇d老闆，又有錢又出手闊綽，但係蠢得來又和藹可親既呢？有既介紹來，因為我遇到既老闆，一係就冇錢得來痴線既，一係就有錢得來孤寒既……係喎，你有件咁既絕世奇貨，會介紹給我嗎？
