哦。

當老闆吩咐我做一些瑣碎小事還喋喋不休囉囉唆唆之時；

當朋友想串我又或者自吹自擂(係，呢個通常係我)而我覺得那些說話比粗口更難聽又不想回應之時；

當接到電話推鎖員的廢話連篇之時；

總之有點無奈之時；

我都會像漫畫入面的角色，把細細的眼瞇成兩條橫線，瞧向著目標，以不足半秒的平聲吐出一個「哦。」字。

可置對手於不理令其知難而退，又可看到對手的過癮表情。

白汁之奧義

我知道好多人都想知我點整到d皇牌白汁咁好味架喇，又好耐冇寫過煮野食，就係度過兩招比你地喇。

基本材料如下：

1) 洋蔥半隻，切細絲或碎

2) 蒜蓉一湯匙

3) 白酒 約150ml

4) 雞湯 或 魚湯 250ml(最快最方便可以買現成，如果唔想食味精就自己煲)

5) 忌廉(whipping cream 最易買到既係president) 細盒裝好似250ml

6) 鹽及胡椒粉(黑白咩都得)

7) 牛油或olive oil

8) 新鮮或乾既thyme (如新鮮者只用葉，chop碎，一枝枝既莖煲湯時可用)

9) 香葉(bay leave)一大塊

用一個較厚身及高身既平底鑊或一個汁煲(我上次整栗米肉粒飯個D，容量2L，千祈唔好用薄身煮麵個D，會窿)，唔使令個煲好熱，牛油起鑊(太熱太大火就會窿)慢火煮洋蔥至金黃色或軟身，可以試食下，如果甜就可以(通常3MINS左右)。之後開大火即落蒜蓉、香葉、thyme，個鑊好熱就倒白酒(經驗不足者先拉低火，免得扯起火上來嚇親自己)，”dlup”到一半，就落湯，又”dlup”到一半，就落忌廉，當滾起就拉低慢火，呢個時候開始要睇實，因為太大火煮得唔靚，所以要慢慢來，如果想快又唔想dlup得太少，可以煮到夠味時加個豆粉獻，最後就鹽及胡椒粉教味。

我來計由開始至食得(唔用豆粉獻)，約15mins，相信一般來計唔使30mins。

呢個係基本既白汁，如果想加入自己喜歡既如芝士，可以買普通卡夫既parmesan cheese 粉，而用芝士粉又要小心，係最後一步先落，所以加完忌廉之後唔好煮得太杰先加，唔係就杰到冇朋友食得到。無錯喇，有點悟性既你明白喇，就係煮完個白汁之後加上其他配料就變其他味道，係咪好過癒呢﹗

又如果你想整既係雞扒(以上面既分量計夠2大塊)，就先用鑊煎好雞扒(約5成，盡量唔好煎窿隻鑊，只要唔太黑就可以)，拎起之後，就開始上面之步驟，於倒白酒前將雞扒放入，就更輕易拎番d味，就算唔用湯甚至雞粉，都會好夠味。再pro d，就緊係醃埋佢先。魚既情況就唔同，要同洋蔥一齊煎，倒完酒煮30秒就要拎起，到最後汁差唔多先再放入煮至熟，因為魚快熟。

烹飪唔係一件難事，肯做多幾次就係人都識，識之後又可以變，咁當然通到幾多就睇閣下有冇我咁有天份囉，要煮得好食都唔難，因為用個心去煮既野就係最好味。