再食一餐

今日終於都要面對Pieter，只短短數分鐘寒暄幾句，佢就話因為自己jet lag而要提早休息。佢唔係度睇住，我緊係又食多餐。
首先來個Appetizer：Scallops wrapped with Parma Ham Pomelo Salad $112

帶子雖然大粒，不過冇咩鮮味，不過不失。

之後有時間，整多個Second course：Black Mussels In a White Wine/Cream Sauce $ 118

青口再冇用荷蘭個d好耐，用左阿拉斯加個d，殼大但肉唔大，味都冇個時荷蘭個d咁甜，失敗。

最後，Main Course一定要食得好d：Grilled Rib Eye Steak with Hutspot and Seasonal Veg(8 oz) $ 208

一塊好既肉，salt + black peeper調味已經夠，燒既時間掃牛油，至3成，加埋個甘旬薯蓉(荷蘭叫Hutspot)及法邊豆，再切幾塊紅洋蔥又燒一燒香佢放上面，完成。呢隻澳洲肉眼好有肉味又有咁上下肉汁，食既時候跟本唔使額外加任何汁(anyway我食咩都唔想落汁，除非碟野真係難食)，個Hutspot配燒過既牛柳又好西冷或肉眼都好，非常之夾，完美配合。

就係咁，又食多佢一餐，下星期返去食咩好呢﹖

食佢一餐

因為黑格比，Pieter要延誤返港，當然把握今晚天賜既良機，大肆搜掠雪櫃一番。講過返去食都要食得好好睇睇，對個腸胃好d人都精神d開朗d同型d，梗係食盡佢以多年之仇。
首先：Pan-fried Beef Tenderloin with Duck Liver served with Potato Gratin and Truffle Essence $285

呢個係我最愛之一，牛柳四成左右加上一塊top quality既鴨肝(好過好多鵝肝，堅料﹗)，仲有d肉汁同鴨肝既油脂撈埋d忌廉薯，加多幾野黑菌油，我敢講食到呢碟野係有今生冇來世。





之後：Poffertjes with Speculaas Gelato $78


呢個甜品就即係雪糕加pancake，不過呢個特別在好似個一蚊咁大又厚身少少，中間暖暖地外面又香又脆，配上雪糕，口感係有軟有硬又熱又冷咁，絕﹗而那個Speculaas係一隻荷蘭薑餅，加入去整出來既Gelato真係好香，係最應該一試既Gelato之一。呢個Poffertjes係荷蘭好普遍，亦係個度既招牌甜品。






有甜品就梗係要一杯上好既espresso con panna $38


剩係食都食左佢四百幾有多(成本當然唔使)，仲要有人工收，呢日又賺左。
據講，好多人都懼怕於Pieter既淫威，暫時再冇其他「志願人仕」夠膽深入呢個虎穴。唯有我呢個孽種夠膽返去受死，所以仍有一段時間有好野食。
個天真係待我不薄。

大件事

致各界好友：
各位，一年前我因被迫至思覺失調，心煩意亂如驚弓之鳥，著草裹去想過一走了之。
如今，由於技癢難耐，亦念掛那裡的所有食材，特別是那一吃難忘味甲全港的酥皮羊柳，我決定回巢Orange Tree客串數天。
想以成本價試食就快，如此機會，有今生無來世。又係個句：荼記既價錢，好過酒店既味道~